मतदारयादीतील नाव, पत्ता आणि इतर तपशील आजच तपासा!

मुंबई, दि. 14 : SIR प्रक्रियेबाबतचे गैरसमज दूर करा, योग्य माहिती जाणून घ्या आणि आपला मतदानाचा हक्क सुरक्षित ठेवा!

गैरसमज: SIR मध्ये पात्र मतदारांची नावे सरसकट वगळली जातात.

वस्तुस्थिती: SIR चा उद्देश मतदारयादी अद्ययावत करणे आहे. आपले नाव तपासा; चुकीने वगळले असल्यास दुरुस्तीसाठी अर्ज करा.

गैरसमज: मतदारयादीत नाव नसेल, तर पुन्हा समाविष्ट करता येत नाही.
वस्तुस्थिती: पात्र नागरिक Form 6 द्वारे नाव समाविष्ट करण्यासाठी अर्ज करू शकतात. नोंदणी प्रलंबित ठेवू नका.

गैरसमज: प्रत्येक मतदाराला कागदपत्रांसाठी कार्यालयात जावे लागते.
वस्तुस्थिती: काही प्रकरणांत BLO मार्फत कागदपत्रे देता येतात; आवश्यक असल्यास सुनावणीला उपस्थित राहावे लागू शकते. अधिकृत सूचनांकडे दुर्लक्ष करू नका.

गैरसमज: नाव समाविष्ट किंवा वगळण्याचा निर्णय AI आपोआप घेतो.
वस्तुस्थिती: AI साधने समान नोंदी ओळखण्यास मदत करतात; वैधानिक निर्णय ERO घेतो. आपल्या नोंदी तपासणे महत्त्वाचे आहे.

गैरसमज: एकाच व्यक्तीची नावे अनेक ठिकाणी असली तरी चालतात.
वस्तुस्थिती: कायद्यानुसार दुबार नोंदींना परवानगी नाही. आपल्या नोंदींची अचूकता तपासा.

गैरसमज: नवीन मतदारांना SIR पूर्ण होईपर्यंत थांबावे लागते.
वस्तुस्थिती: पात्र नागरिक निर्धारित पात्रता दिनांकानुसार Form 6 द्वारे अर्ज करू शकतात.

गैरसमज: मतदारयादीतील चुकीचे तपशील दुरुस्त करता येत नाहीत.
वस्तुस्थिती: नाव, पत्ता किंवा इतर तपशील दुरुस्त करण्यासाठी Form 8 द्वारे अर्ज करा.

गैरसमज: मतदारयादीतील निर्णयाविरोधात अपील करता येत नाही.
वस्तुस्थिती: लागू नियमांनुसार अपील करता येते. मदतीसाठी अधिकृत पोर्टल किंवा 1950 हेल्पलाइनचा वापर करा.

आपले नाव मतदारयादीत आहे का? आजच तपासा. पात्र मतदार म्हणून आपला मतदानाचा हक्क सुरक्षित ठेवा!